Rutsiro: Drone nto ya RDF yagize impanuka ikomeretsa abanyeshuri batatu

Drone nto ya RDF yagize impanuka mu Rutsiro ikomeretsa abanyeshuri batatu

Kigali, 17 Nzeri 2025 — Ingabo z’u Rwanda (RDF) zatangaje ko drone ntoya idafite abapilote yakoze impanuka mu Karere ka Rutsiro, ikomeretsa abanyeshuri batatu bagiye mu rugo nyuma y’ishuri.

Drone ntoya ya RDF yakoze impanuka mu Rutsiro

Ibisobanuro bya RDF

RDF yatangaje ko iyi drone yari ikoreshwa mu myitozo y’ingabo kandi ko impanuka yatewe n’ibihe by’ikirere bitari byiza. Iyi mpanuka yabaye ku wa 16 Nzeri 2025 saa Saba n’iminota 40 z’amanywa.

Nk’uko RDF ibivuga: “Drone yataye inzira kubera ikirere kitari kimeze neza hanyuma ikorera impanuka mu Karere ka Rutsiro.”

Abanyeshuri bakomeretse n’ubuvuzi bahawe

Abanyeshuri batatu bakomeretse nyuma y’iyi mpanuka:

• Babiri bajyanywe ku Kigo Nderabuzima cya Kivumu.
• Uwa gatatu yajyanwe ku Bitaro bya Murunda.

RDF ikomeza gufatanya n’inzego z’ubuyobozi bw’ibanze n’abaganga kugira ngo abana bakomeretse bahabwe ubuvuzi bukwiye. Yemeza kandi ko itanga ubufasha ku miryango yabo.

“Ingabo z’u Rwanda zirihanganisha imiryango y’aba bana bakomeretse ndetse zibabajwe n’ibibazo batewe n’iyi mpanuka.” — RDF

Official announcement from Twitter

RDF SMALL UNMANNED AERIAL VEHICLE ACCIDENT IN RUTSIRO DISTRICT pic.twitter.com/p3qGQcg4X2

— Rwanda Defence Force (@RwandaMoD) September 16, 2025

Soma itangazo rya RDF ku rubuga rwa X hano

---

Source: Rwanda Defence Force – X.com